جنس اور نظریاتِ جنس _ اسلام کا نقطۂ نظر

 *جنس اور نظریاتِ جنس _ اسلام کا نقطۂ نظر*


ڈاکٹر محمد رضی الاسلام ندوی


        آج جماعت اسلامی ہند ، حلقۂ اترپردیش (مغرب) کی جانب سے ازدواجی تفہیمی پروگرام شروع ہوا  ، جو 22 دسمبر تک جاری رہے گا _ پروگرام کا دورانیہ 8 تا 9:30 بجے شب رکھا گیا ہے _ روزانہ دو تقاریر ہوں گی ، جن میں عائلی زندگی سے متعلق اسلامی تعلیمات پیش کی جائیں گی اور خوش گوار ازدواجی تعلقات کی تدابیر پر روشنی ڈالی جائے گی _ اس پروگرام میں ان نوجوان لڑکوں اور لڑکیوں کو شریک کیا جارہا ہے جو نکاح کی عمر کو پہنچ گئے ہیں ، یا کچھ عرصہ قبل ان کا نکاح ہوا ہے _ کورونا کی وجہ سے احتیاطی تدابیر کے طور پر اسے آن لائن کیا جارہا ہے _


         آج کے پروگرام میں مجھ سے خواہش کی گئی کہ میں جنس (Sex) اور نظریاتِ جنس پر روشنی ڈالتے ہوئے اس کے سلسلے میں اسلام کا نقطۂ نظر واضح کروں _ دوسری تقریر'نکاح' کے عنوان سے مولانا عتیق احمد شفیق اصلاحی ، سکریٹری حلقہ کی ہوئی _ میری گفتگو درج ذیل نکات پر مشتمل تھی :


1 _ اللہ تعالیٰ نے جنسی جذبہ ہر انسان میں ودیعت کیا ہے ، خواہ وہ مرد ہو یا عورت _ لڑکا ہو یا لڑکی ، دونوں بلوغت کی عمر کو پہنچتے ہی دوسری صنف کی جانب کشش محسوس کرتے ہیں _


2 _ اس فطری جذبہ کی پیدائش کا مقصد نسلِ انسانی کی بقا اور تسلسل ہے _ جس طرح اللہ تعالیٰ نے نباتات اور حیوانات میں قانونِ زوجیت کو جاری کیا ہے ، اسی طرح انسانوں کو بھی اس قانون کا پابند کیا ہے _ ( الذاريات :49 ، النجم :45)


3 _ کائنات کی دیگر مخلوقات قوانینِ فطرت کی پابند ہیں ، جن سے سرِ موٗ بھی انحراف نہیں کرسکتیں ، لیکن انسان کو کسی حد تک آزادی دی گئی ہے کہ وہ فطری تقاضوں پر عمل کرسکتا ہے اور ان سے انحراف بھی کرسکتا ہے _ (الحج :18)


4 _ انسانوں کا رویّہ جنس کے معاملے میں بے اعتدالی کا رہا ہے اور انھوں نے منحرف طریقے اختیار کیے ہیں _ بعض انسانوں نے تفریط کی راہ اپنائی ہے تو بعض نے افراط سے کام لیا ہے _


5 _  کچھ لوگوں نے جنسی جذبہ دبانے اور کچلنے کو انسانیت کی معراج سمجھا ، تجرّد کی زندگی کو آئیڈیل قرار دیا اور شادی بیاہ کرنے اور بال بچوں والا ہونے کو سخت ناپسندیدہ سمجھا _ ان لوگوں کا نظریہ 'رہبانیت' کہلایا _


6 _  دوسری طرف کچھ لوگوں نے یہ نظریہ اپنایا کہ انسان کو مکمل آزادی ہے کہ وہ جس طرح بھی چاہے ، اپنے جنسی جذبہ کی تسکین کرلے _ اس آزادی سے فائدہ اٹھاتے ہوئے لوگوں نے تسکینِ جنس کے طرح طرح کے منحرف طریقے اختیار کیے _

* نکاح کے بغیر جنسی تعلق کو روا رکھا گیا(Live in relationship)، چنانچہ آزادی دی گئی کہ مرد اور عورت چاہیں تو عارضی مدّت تک ایک ساتھ رہیں ، یا پوری زندگی اسی طرح گزار دیں _

*  نکاح سے قبل وقتی طور پر جنسی لطف اٹھانے (Pre marital sex) کی آزادی دی گئی _

* نکاح کے بعد بھی آزاد شہوت رانی ( Extra marital sex) کی چھوٹ دی گئی ، چنانچہ شوہر کو آزادی رہی کہ وہ دوسری عورتوں کے ساتھ جنسی تعلقات استوار رکھے اور بیوی کو بھی حق حاصل رہا کہ وہ غیر مردوں سے تعلقات بنائے _

* مرد کے دوسرے مرد سے جنسی تعلق ( Homosexuality) کو قانونی جواز فراہم کیا گیا _

* عورت کے دوسری عورت کے ساتھ جنسی تعلق (Lesbianism) کو جائز ٹھہرایا گیا _

* خود لذّتی کو جائز کہا گیا کہ مرد یا عورت تنہا کسی طرح اپنے جنسی جذبہ کی تسکین کر سکتے ہیں _


7 _ یہ تمام طریقے انسانی فطرت سے مغایر اور اس سے بغاوت پر مبنی ہیں ، چنانچہ انسانیت کو ان کے کڑوے کسیلے پھلوں کا مزہ چکھنا پڑا ہے _ رہبانیت کا ردّعمل ہوا تو عبادت گاہیں تک بدکاری کے اڈّے بن گئیں اور جنسی اباحیت کے نتیجے میں انسانوں کا سماج حیوانات کے باڑے کا منظر پیش کرنے لگا _ سفلس ، گنوریا ، ایڈز جیسے بھیانک امراض وجود میں آئے ، 'سنگل پیرنٹس' کی بہتات ہوگئی، جرائم پیشہ نسل وجود میں آگئی اور خاندان کا شیرازہ منتشر ہوگیا _


8 _  اسلام جنس (Sex) کو تسلیم کرتا ہے اور اسے اہمیت دیتا ہے _ اس کے نزدیک جنسی تسکین گناہ نہیں ، نہ اسے ناپسندیدہ حیوانی خواہش قرار دیا جاسکتا ہے _ وہ دنیا کی لذّتوں کا شمار کراتا ہے تو جنسی خواہش کو سرِ فہرست بیان کرتا ہے _( آل عمران :14)


9 _ البتہ اس نے جنسی خواہش کی تکمیل کو صرف نکاح سے مشروط کیا ہے _( المومنون :5_ 6 ،المعارج :29 _30) نکاح کے علاوہ جنسی تسکین کے تمام طریقوں کو وہ حرام قرار دیتا ہے  _ اس کے نزدیک جس طرح زنا بالجبر قابلِ سزا جرم ہے اسی طرح زنا بالرضا بھی ہے _ (الإسراء : 32 ، الفرقان : 68) اس کے نزدیک بغیر نکاح کے کسی کے ساتھ نہ علانیہ جنسی تعلق رکھنے کی اجازت ہے نہ خفیہ _ اس نے کسی مرد کے لیے زیادہ سے زیادہ چار عورتوں سے نکاح کی اجازت دی ہے اور اسے بھی عدل سے مشروط کیا ہے ، ورنہ ایک ہی بیوی پر اکتفا کرنے کی تاکید کی ہے _ وہ عارضی نکاح کی بھی اجازت نہیں دیتا _ اس نے کچھ رشتے داروں کو محترم قرار دے کر ان سے جنسی تعلق کو حرام قرار دیا ہے _


10 _ وہ جائز جنسی تعلق کو پسندیدگی کی نظر سے دیکھتا ہے اور اس کی حوصلہ افزائی کرتا ہے _ ( مسلم :1006) وہ زوجین کے حقوق بیان کرتا ہے اور ان کی ادائیگی کی تاکید کرتا ہے _ وہ خوش گوار ازدواجی تعلق کو اللہ کی نشانی ، باعثِ سکون اور باہم مودّت و رحمت قرار دیتا ہے _

11 _ جنس کے بارے میں اسلام کا نظریہ معتدل اور ہر طرح کے افراط و تفریط سے پاک ہے _ اسی کو اپنانے میں انسانیت کی فلاح مضمر ہے _

Comments

Post a Comment

Popular posts from this blog

بہترین جماعت کے بدترین لوگ

 بہترین جماعت کے بدترین لوگ شاہنواز فاروقی-  اگر آپ کچھ لوگوں کو پی ایچ ڈی کے بعد میٹرک کرتے ہوئے پائیں تو آپ ان کے بارے میں کیا خیال کریں گے؟ اگر آپ من و سلویٰ کھانے کے بعد کسی کو پیاز اور دال کی تعریف کرتے ہوئے پائیں تو آپ اس کے بارے میں کیا سوچیں گے؟ اگر آپ کچھ لوگوں کو سورج کے مشاہدے اور تجربے کے بعد ٹمٹماتی ہوئی موم بتی کا طواف کرتے ہوئے دیکھیں تو آپ ان کے بارے میں کیا رائے قائم کریں گے؟ یہ محض قیاسی باتیں نہیں۔ دنیا میں ایسے بہت سے لوگ ہوتے ہیں جو بہترین اور بدترین کے فرق کو مٹادیتے ہیں۔ جو بہترین کو بدترین سے ملادیتے ہیں۔ کیسے، آئیے خورشید ندیم کے کالم کا ایک اقتباس ملاحظہ کرتے ہیں۔ خورشید ندیم نے نواز لیگ کے رہنما مشاہد اللہ کی رحلت کے حوالے سے لکھا۔ ’’مشاہد اللہ خان کا جسد خاکی سپرد خاک ہوا۔ انسان مگر محض پیکرِ گِل تو نہیں۔ اس کے سوا بھی بہت کچھ ہے جو کبھی نہیں مرتا۔ فرشتہ موت کا چھوتا ہے گو بدن تیرا ترے وجود کے مرکز سے دور رہتا ہے بے پناہ اداسی ہے اور مایوسی کا گہرا احساس۔ آج پارلیمان میں کوئی دوسرا مشاہد اللہ نہیں ہے۔ ایسی قدرتِ کلام، ایسا دبنگ لہجہ، قسام از...
Read more

گفتگو سائے اور غفلت سے

 گفتگو: سایے اور غفلت سے ڈاکٹر جاسم محمد مطوع ترجمان القرآن : مارچ 2019ء میرا سایہ اچانک پکار اٹھا : میں تمھارے ساتھ چلتے چلتے اُکتا چکا ہوں۔ میں: کیوں؟ سایہ: کیوں کہ تم مجھے وہاں وہاں لیے پھرتے ہو، جہاں جانا میری فطرت کے خلاف ہے۔ تمھارے کاموں پر بظاہر خوب صورتی اور چمک دکھائی دیتی ہے، لیکن اندرون میں ریاکاری کا اندھیرا ہوتا ہے۔ کاش میں تمھارا سایہ نہ ہوتا! میں: تم مجھے چھوڑنا چاہتے ہو، لوگ تو مجھ سے ملنے کے خواہاں رہتے ہیں۔ حیرت ہے تمھاری راے پر! سایہ: اخلاق کے جوہر تو ساتھ رہنے پر ہی کھلتے ہیں۔ لوگ میری طرح تمھارے ساتھ نہیںرہتے۔ تم اپنے دل میں دیکھو گے تو سیاہی ہی نظر آئے گی۔ میں: اس سیاہی کا سبب کیا ہے؟ سایہ: جب کاموں سے اخلاص رخصت ہوجائے اور معاملات میں دکھلاوا اور ریاکاری شامل ہوجائے تو دل سیاہ ہوجاتے ہیں۔ میں: کیا یہ چیز واقعی دل پر اس درجہ اثر کرتی ہے؟ سایہ: ہاں! اخلاص ہی تو عمل کی اساس ہے۔ اسی لیے کہا گیا ’جو انسان اخلاص سے خالی ہو، اس سے کہہ دو کہ اپنے آپ کو تھکانے کی کوئی ضرورت نہیں‘‘۔اللہ تعالیٰ نے بھی اس کا حکم دیا ہے: ’’انھیں تو صرف اس بات کا حکم دیا گیا کہ وہ اللہ ک...
Read more

مسلمان جائیں تو کہاں جائیں

 مسلمان‘جائیں تو جائیں کہاں؟ معصوم مرادآبادی بہار اوربنگال کے مسلم حلقوں میں اپنی حاضری درج کرانے کے بعد اب بیرسٹر اسد الدین اویسی نے ملک کی سب سے بڑی ریاست اترپردیش میں قدم رکھ دیا ہے۔اس کے ساتھ ہی ان تمام اندیشوں نے سر اٹھانا شروع کردیا ہے جو مسلمانوں کی علیحدہ سیاست سے وابستہ ہیں اور جن کی تان بی جے پی کو فائدہ پہنچانے طعنہ پر جاکر ٹوٹتی ہے۔یہ بات سبھی جانتے ہیں کہ اترپردیش کی تقریباً 22 کروڑ آبادی میں مسلمانوں کا تناسب 18 فیصد ہے اوروہ 400 اسمبلی نشستوں میں100سے زیادہ حلقوں پرفیصلہ کن پوزیشن میں ہیں۔یہی وجہ ہے کہ سیکولر سیاست کے ٹھیکیدار ہر الیکشن میں مسلمانوں کی حاشیہ برداری کرتے ہیں مگر ان کا ووٹ حاصل کرنے کے بعد انھیں دودھ سے مکھی کی طرح نکال کر پھینک دیتے ہیں۔یہی وجہ ہے کہ یوپی میں مسلمانوں کی پسماندگی مسلسل بڑھ رہی ہے اور وہ سیاسی طور پر یتیمی کی زندگی گزار رہے ہیں۔2012کے اسمبلی انتخابات میں سماجوادی پارٹی نے مسلمانوں کو آبادی کے تناسب سے ریزرویشن دینے کا خوش کن وعدہ کیا تھا ۔ اس کے فریب میں آکر مسلمانوں نے سارے ووٹ سماجوادی پارٹی کو منتقل کردیئے۔ پارٹی سربراہ ملائم سنگ...
Read more