یہ جہیز نہ لینے والے لڑکے کس سیارے پر دستیاب ہوتے ہیں

 *یہ جہیز نہ لینے والے لڑکے کس سیارے پر دستیاب ہوتے ہیں ؟*


[ کراچی (پاکستان) کی ایک تقریبِ نکاح کی روداد _ افسوس کہ روداد لکھنے والے کا نام نہیں معلوم ہوسکا _ رضی الاسلام ندوی]


         کل مسجد قبا، فیڈرل بی ایریا میں بعد نماز عصر میری بیٹی فاطمہ صدیقی کا نکاح امیر جماعت اسلامی پاکستان سینیٹر سراج الحق صاحب نے رکن جماعت محمد فیض کے رکن جمعیت صاحب زادے عنید احمد کے ساتھ پڑھایا۔ الحمدللہ یہ میری تیسری بیٹی کی شادی ہے ۔


        میں نے ابتدائی گفتگو میں نبی اکرم صلی اللہ علیہ وسلم کی حدیث مبارکہ "نکاح کو آسان بناؤ"  کے حوالے سے بات کی اور اللہ کا شکر ادا کیا کہ اللہ تعالی نے مجھے تینوں داماد ایسے عطا فرمائے کہ سب نے جہیز لینے سے انکار کردیا اور میری بیٹیاں اپنی سسرالوں میں انتہائی خوش ہیں۔ اس مرتبہ تو دولہا میاں عنید کے نانا رکن جماعت مفخم علی طاہر صاحب اور فیض بھائی نے اصرار کیا کہ رخصتی مسجد سے ہو ۔ نماز مغرب کے بعد الحمدللہ میری بیٹی آنسووں اور دعائوں کے ساتھ مسجد سے ہی رخصت ہوگئی

تقریب میں پندرہ سو سے زائد مہمان شریک ہوئے۔ امیر تنظیم اسلامی پاکستان شجاع الدین شیخ، ایم کیو ایم کے ڈاکٹر فاروق ستار، صلاح الدین شیخ، سابق ایم پی اے وسیم آفتاب، پی ڈی پی کے بشارت مرزا، PPP کے وقار مہدی، JUP کے علامہ قاضی احمد نورانی، سواد اعظم کے قاری اللہ داد، معروف دانش ور نصرت مرزا، راشد نسیم، اسد اللہ بھٹو، میاں مقصود احمد، محمد حسین محنتی، عبدالغفار عمر، حافظ نصراللہ عزیز، ممتاز سہتو، عبدالحفیظ بجارانی ،محمد اصغر، حافظ نعیم الرحمان، ندیم حیدر، الیکشن کمشنر کراچی عارب مہر، ڈائریکٹر ایف آئی اے حلیم شیخ، سکرٹری فوڈ ایکسائز اینڈ ٹیکسیشن راجہ عارف سلطان، ڈاکٹر طاہر شمسی، ڈاکٹر انتخاب توفیق، ڈاکٹر شایان شادمانی، ضرار خان، شکیل ترابی، ابرار بختیار، حنیف عابد، اجمل سراج، خواتین میں محترمہ عائشہ منور صاحبہ، دردانہ صدیقی، ناظمہ جماعت اسلامی پاکستان خواتین، امت الرقیب، عطیہ نثار، رخشندہ فاطمہ، طیبہ عاطف، اسما سفیر صاحبہ، سمیت بے شمار علماء، صحافی سیاسی کارکن ، دانش ور، دوست احباب، بزرگ اور عمائدین تشریف لائے۔


         رخصتی کے بعد مسجد کے ایک پرانے واقف کار نمازی مجھے روک کر پوچھنے لگے کہ ڈاکٹر صاحب! تقریب بہت لاجواب تھی، بڑی للہیت اور روحانیت ملی۔ لیکن ڈاکٹر صاحب! یہ جہیز نہ لینے والے اور مسجد سے رخصتی پر تیار ہونے والے لڑکے کس سیارے پر ملتے ہیں؟

          میں نے ان سے کہا کہ سید ابوالاعلی مودودی رحمۃ اللہ علیہ کی تحریروں نے وہ اجتماعیت اور نفوس پیدا کیے ہیں جو دور حاضر میں صحابہ رضوان اللہ علیہم اجمعین کا کردار دہرانے کی ہمت اور عزم رکھتے ہیں ۔ والدین جماعت کے تربیت یافتہ ہوں اور بچوں نے جمعیت کی آغوش میں آنکھ کھولی ہو تو کسی اور سیارے پر جانے کی ضرورت نہیں، اسی زمین پر ایسے لوگ تیار ہوجاتے ہیں جو ماحول میں انقلاب برپا کرسکتے ہیں _


      میں تمام مہمانوں کا تہہ دل سے مشکور ہوں اور جو کسی عذر کی وجہ سے تشریف نہیں لاسکے اللہ ان پر بھی رحمتیں نازل فرمائے ۔ مجھے جماعت اسلامی سے تعلق پر فخر ہے ۔ اللہ رب العالمین نئے جوڑے کو امت کی طاقت کا ذریعہ بنائے اور تمام خاندانوں کو خوشیاں صحت عافیت اور کامیابیاں عطا فرمائے _ آمین ، ثم آمین_

Comments

Post a Comment

Popular posts from this blog

بہترین جماعت کے بدترین لوگ

 بہترین جماعت کے بدترین لوگ شاہنواز فاروقی-  اگر آپ کچھ لوگوں کو پی ایچ ڈی کے بعد میٹرک کرتے ہوئے پائیں تو آپ ان کے بارے میں کیا خیال کریں گے؟ اگر آپ من و سلویٰ کھانے کے بعد کسی کو پیاز اور دال کی تعریف کرتے ہوئے پائیں تو آپ اس کے بارے میں کیا سوچیں گے؟ اگر آپ کچھ لوگوں کو سورج کے مشاہدے اور تجربے کے بعد ٹمٹماتی ہوئی موم بتی کا طواف کرتے ہوئے دیکھیں تو آپ ان کے بارے میں کیا رائے قائم کریں گے؟ یہ محض قیاسی باتیں نہیں۔ دنیا میں ایسے بہت سے لوگ ہوتے ہیں جو بہترین اور بدترین کے فرق کو مٹادیتے ہیں۔ جو بہترین کو بدترین سے ملادیتے ہیں۔ کیسے، آئیے خورشید ندیم کے کالم کا ایک اقتباس ملاحظہ کرتے ہیں۔ خورشید ندیم نے نواز لیگ کے رہنما مشاہد اللہ کی رحلت کے حوالے سے لکھا۔ ’’مشاہد اللہ خان کا جسد خاکی سپرد خاک ہوا۔ انسان مگر محض پیکرِ گِل تو نہیں۔ اس کے سوا بھی بہت کچھ ہے جو کبھی نہیں مرتا۔ فرشتہ موت کا چھوتا ہے گو بدن تیرا ترے وجود کے مرکز سے دور رہتا ہے بے پناہ اداسی ہے اور مایوسی کا گہرا احساس۔ آج پارلیمان میں کوئی دوسرا مشاہد اللہ نہیں ہے۔ ایسی قدرتِ کلام، ایسا دبنگ لہجہ، قسام از...
Read more

گفتگو سائے اور غفلت سے

 گفتگو: سایے اور غفلت سے ڈاکٹر جاسم محمد مطوع ترجمان القرآن : مارچ 2019ء میرا سایہ اچانک پکار اٹھا : میں تمھارے ساتھ چلتے چلتے اُکتا چکا ہوں۔ میں: کیوں؟ سایہ: کیوں کہ تم مجھے وہاں وہاں لیے پھرتے ہو، جہاں جانا میری فطرت کے خلاف ہے۔ تمھارے کاموں پر بظاہر خوب صورتی اور چمک دکھائی دیتی ہے، لیکن اندرون میں ریاکاری کا اندھیرا ہوتا ہے۔ کاش میں تمھارا سایہ نہ ہوتا! میں: تم مجھے چھوڑنا چاہتے ہو، لوگ تو مجھ سے ملنے کے خواہاں رہتے ہیں۔ حیرت ہے تمھاری راے پر! سایہ: اخلاق کے جوہر تو ساتھ رہنے پر ہی کھلتے ہیں۔ لوگ میری طرح تمھارے ساتھ نہیںرہتے۔ تم اپنے دل میں دیکھو گے تو سیاہی ہی نظر آئے گی۔ میں: اس سیاہی کا سبب کیا ہے؟ سایہ: جب کاموں سے اخلاص رخصت ہوجائے اور معاملات میں دکھلاوا اور ریاکاری شامل ہوجائے تو دل سیاہ ہوجاتے ہیں۔ میں: کیا یہ چیز واقعی دل پر اس درجہ اثر کرتی ہے؟ سایہ: ہاں! اخلاص ہی تو عمل کی اساس ہے۔ اسی لیے کہا گیا ’جو انسان اخلاص سے خالی ہو، اس سے کہہ دو کہ اپنے آپ کو تھکانے کی کوئی ضرورت نہیں‘‘۔اللہ تعالیٰ نے بھی اس کا حکم دیا ہے: ’’انھیں تو صرف اس بات کا حکم دیا گیا کہ وہ اللہ ک...
Read more

مسلمان جائیں تو کہاں جائیں

 مسلمان‘جائیں تو جائیں کہاں؟ معصوم مرادآبادی بہار اوربنگال کے مسلم حلقوں میں اپنی حاضری درج کرانے کے بعد اب بیرسٹر اسد الدین اویسی نے ملک کی سب سے بڑی ریاست اترپردیش میں قدم رکھ دیا ہے۔اس کے ساتھ ہی ان تمام اندیشوں نے سر اٹھانا شروع کردیا ہے جو مسلمانوں کی علیحدہ سیاست سے وابستہ ہیں اور جن کی تان بی جے پی کو فائدہ پہنچانے طعنہ پر جاکر ٹوٹتی ہے۔یہ بات سبھی جانتے ہیں کہ اترپردیش کی تقریباً 22 کروڑ آبادی میں مسلمانوں کا تناسب 18 فیصد ہے اوروہ 400 اسمبلی نشستوں میں100سے زیادہ حلقوں پرفیصلہ کن پوزیشن میں ہیں۔یہی وجہ ہے کہ سیکولر سیاست کے ٹھیکیدار ہر الیکشن میں مسلمانوں کی حاشیہ برداری کرتے ہیں مگر ان کا ووٹ حاصل کرنے کے بعد انھیں دودھ سے مکھی کی طرح نکال کر پھینک دیتے ہیں۔یہی وجہ ہے کہ یوپی میں مسلمانوں کی پسماندگی مسلسل بڑھ رہی ہے اور وہ سیاسی طور پر یتیمی کی زندگی گزار رہے ہیں۔2012کے اسمبلی انتخابات میں سماجوادی پارٹی نے مسلمانوں کو آبادی کے تناسب سے ریزرویشن دینے کا خوش کن وعدہ کیا تھا ۔ اس کے فریب میں آکر مسلمانوں نے سارے ووٹ سماجوادی پارٹی کو منتقل کردیئے۔ پارٹی سربراہ ملائم سنگ...
Read more